சந்தோஷமாக நஞ்சுண்ணுங்கள்



நார்மலாக மெடிக்கல் செக்கப் செய்ய மருத்துவமனை செல்கிறீர்கள் என வைத்துக்கொள்வோம்.மருத்துவர் உங்களை பரீசோதித்து விட்டு "உங்களுக்கு லேசாகதான் சுகர் இருக்கு,இந்த மருந்த டெய்லி யூஸ் பண்ணுங்க சரியாகிடும்"னு 100mgல் ஒரு மருந்தை கொடுப்பார்.நாமும் ஒரு கிழமைக்கு அதை வாங்கி குடிப்போம்.அதுவும் சரியாகிவிடும்தான்.அதன் பிறகு ஒரு மாதத்திற்கு அந்த மருந்தையே தொட மாட்டோம்.தீடிரென உடல் பலவீனமானதுபோல் தெரியும் .மீண்டும் வைத்தியரிடம் சென்றால் "மருந்த ஸ்டொப் பண்ணாம குடிங்க,ஃபுட் ஹெபிட்ஸ் கன்ட்ரோலா இருங்க"னு அதே மருந்தை இந்த முறை 200mg எழுதி கொடுப்பார்.
(இங்கே நீங்கள் சுகருக்கு பதிலாக கொலஸ்ரோல்,உயர்/தாழ் குருதி அமுக்கம்,இளைப்பு,வயிற்றெரிச்சல் அல்லது உங்களுக்கு தொல்லை கொடுக்கும் எந்த நோயையும் போட்டுகொள்ளலாம்).

இந்த முறை நீங்கள் உணவு பழக்கத்தை கொஞ்சமாக கட்டுபடுத்துவீர்கள்.மருந்தையும் தொடர்ந்து குடிப்பீர்கள்.ஆனாலும் சுகர் ஏறும்.பத்து வருடங்கள் கழித்து உங்களால் உங்களுக்கு பிடித்த ஒரு உணவையும் சாப்பிட இயலாது.ஆனால் மருந்தின் அளவோ 800mg மாக மாறியிருக்கும்.இது மிடில் கிளாஸுக்கு, பணக்காரனுக்கோ தினமும் இன்சுலின்.

ஒரு குடிகாரனுக்கு எப்படி ஒரு கட்டத்திற்கு மேல் அவனே நினைத்தாலும் குடியை நிறுத்த முடியாமல் கைகள் நடுங்கி உடல் மெலிந்து அவனை  மரணம் வரை கொண்டு செல்லுமோ அதேபோல்தான் இந்த மருந்தும்.ஒரு நாள்,ஒரு வேளை நீங்கள் மருந்து குடிக்கா விட்டாலும் மயக்கம் வரும் தலை சுற்றும்.ஒரு குறிப்பிட்ட காலத்திற்கு பின் நாமே மெடிக்கல் ஷாப்பில் அந்த மருந்தின் பெயரை சொல்லி வாங்கிக்கொள்ள தொடங்கிவிடுவோம்.



நமக்கெல்லாம் நாம் சாப்பிடும் பொருட்களிலேயே நோய்களுக்கான கரு இடப்பட்டுவிடுகிறது.பால்மா தொடங்கி அரிசி வரை அனைத்து சந்தைகளிலும் வெளிநாடுகளின் ஆக்கிரமிப்பு.நம்நாட்டில் தயாரிக்கும் பாலை விட வெளிநாட்டுபால்தான் நம் கண்களுக்கு தரமானது.Anchor பால்மாவில் DCD (Dicyandiamide) எனப்படும் வெடிப்பொருட்களை தீப்பற்ற வைக்க பயன்படுத்தப்படும் ஒரு வகை எரிபொருள் கலந்திருப்பதாக கூறி சில காலம் அரசு அதை தடைசெய்திருந்தது.இதே நிலைமைதான் Milgro என்ற நிறுவனத்திற்கும்.ஆனால் Anchor தடை நீக்கப்பட்டுவிட்டது(பாவம் Milgro நிறுவனத்திற்கு பெரிய பணபலமில்லை போலும்)

நமக்கு நம் பட்ஜெட்டிற்கு ஏற்றமாதிரிதான் நோய்களை தருகிறார்கள்.மாதமாதம் Rs.30000 செலவழித்து நம்மால் மருந்து வாங்க முடியாது.அதனால் நமக்கு Rs2000-3000 என நமது பட்ஜெட்டுக்கு பொருந்துகிற மருந்துகள்தான் விற்கப்படுகின்றன அல்லது வாங்கவைக்கப்படுகின்றன.நாம் தினமும் வாங்கும் பொருட்களுக்கேற்பவே நம் நோயும் மருந்தும் தீர்மானிக்கப்படுகிறது.

இதே பணக்காரன் 69 years Old வைன் போன்ற உயர்ரக பொருட்களையே தினமும் வாங்குவான்,அவனுக்கு தீவிரமான நோய்கள் வரும்.அப்போதுதானே அவன் விலைக்கூடிய மருந்தை நுகர்வான்.நல்ல சந்தைபடுத்தல் தந்திரமல்லவா?

நாம் பொருளை வாங்க வேண்டுமென விளம்பரம் செய்யவார்கள்,அதை நம்பி நாம் வாங்கினால் நோய் வரும்,நோய் வந்தால் மருந்து எடுக்க வேண்டும்,மருந்து கொடுப்பது யார் காப்பிரேட்டட் கம்பனி,நோய் முற்றினால் எடு லோனை,போடு வங்கிக்கு கோலை.வங்கியும் ஒரு காப்பரேட் நிறுவனம்தானே.அப்படி இல்லையா இருக்கவே இருக்கிறது இன்ஷுரன்ஸ்,இப்படியெல்லாம் நமக்கு நோய் வரும் என அறிந்து எப்போதோ நம்மை இன்ஷுரன்ஸ் எடுக்க வைத்து விடுவார்கள்.இன்ஷூரன்ஸ் அதே கூட்டிணைக்கப்பட்ட கம்பனி,எடுத்த காசை மருத்துமனையில் கட்டு,காசை கட்டியபின் தரும் ரசீதில் மருத்துவமனையின் பெயரை நன்றாக உற்று பார்.XYZ(Pvt)ltd என்றிருக்கும்.

ஆக மொத்தம் யார் யாரோ ஒரு சிலர் சந்தோஷமாக இருப்பதற்காக நாம் முதலீட்டாக்கப்பட்டிருக்கிறோம் என்பதுதான் நம்வாழ்வின் சாராம்சமே.

Guardians of the Galaxy: The Telltale Series



Telltale game seriesகள் விளையாடியுள்ளீர்களா,ஆஹா ஓஹோ என்ற கிராஃபிக்ஸ் எல்லாம் இவர்கள் வெளியிடும் கேம்களில் எதிர்பார்க்க முடியாது,இவர்களது தனித்தன்மையே ஸ்டோரி லைன்தான்.நமது ரசனைக்கு ஏற்றாற்போல் தெரிவுகளை மேற்கொண்டு நமக்கு பிடித்தமான விதத்தில் நகரும்படியான Tailor-Made கதைகளைக் கொண்ட கேம்களை உருவாக்கும் நிறுவனம்தான் இந்த Telltale.

அண்மையில் இவர்களது வெளியீடுகளில் ஒன்றான் கார்டியண்ஸ் ஒஃப் த கலக்ஸி கேமினை விளையாட நேர்ந்தது.கிட்டதட்ட ஒரு திரைப்படம் பார்ப்பது போல்தான் இருந்தது.கண்ட்ரோல்களும் மிகக்கடினமாக இல்லை.கதாபாத்திரங்கள் பேசும் வசனங்கள் முதற்கொண்டு கதையோட்டம் வரை நாமே தெரிவுசெய்து விளையாடாலாம்.கண்டிப்பாக இது ஒரு வித்தியாசமான கேமிங் அனுபவமாக இருந்தது.


கதைப்படி,நோவா கோர்ப்ஸ் இடமிருந்து GoG குழுவிற்கு அவசர அழைப்பொன்று வருகிறது.தானோஸ் தங்களை தாக்கிக்கொண்டிருப்பதாகவும் விரைந்து வந்து உதவுமாறும் அவர்கள் கோரிக்கை விடுகின்றனர்.இதன்படி பீட்டர்,ராக்கெட்,கெமோரா,ட்ராக்ஸ் மற்றும் கூருட் ஆகிய ஐ நாயகர்களும் தானோஸை தேடி புறப்படுகின்றனர்.தானோஸை இவர்கள் கண்டுபிடிக்கும் முன்னரே நோவா கோர்ப்ஸ்களை அவன் கொன்றுவிடுகிறான்.பின்னர் GoGயுடன் நடக்கும் மோதலில் ராக்கெட்டின் ஆயுதத்தின் உதவியுடன் தானோஸ் வீழத்தப்படுகிறான். மோதலின் பின்னர் தானோஸ் வசமிருந்த Eternity Forge எனப்படும் சக்தியை GoGயினர் மீட்கின்றனர்.

தானோஸை வீழ்த்தி வெற்றிபெற்றதை கொண்டாட நோ வெயார் (Knowhere) என்ற பகுதிக்கு செல்லும் இவர்கள் அதன்பின் சந்திக்கும் சம்பவங்களும் சவால்களும்தான் கதையாக நீள்கிறது.

தொடக்க அத்தியாயமே தானோஸின் தோல்வியுடன்தான் தொடங்குகின்றது என்பதால் அடுத்து கதை எவ்வாறு நகரப்போகிறது என்ற ஆர்வம் மேலெழாமல் இல்லை.

முதலில் குறிப்பிட்டது போலவே நிறைய கண்ட்ரோல்களை கொடுத்து நம்மை விழிபிதுங்க செய்யவில்லை.அதனால் கேமுடன் இலகுவாக ஒன்றிவிடமுடிகிறது.

ஆன்ராய்ட் மற்றும் IOS ஆகியவற்றிலும் இதனை நிறுவி விளையாடமுடியும்
மார்வலின் கார்ட்டியன்ஸ் ஒஃப் த கலக்ஸி கதாபாத்திரங்களைப் பற்றி தெரிந்தவர்களும் வித்தியாசமான கேமிங் அனுபவத்தை உணர விரும்புவர்களும் இதனை விளையாடி பார்க்கலாம்.

Pretty Little Liars


நள்ளிரவு நேரம்,சுற்றிலும் நிசப்தம்.இருள் போர்த்திய ஒரு குடிலில், ஆரியா,ஹண்ணா,எமிலி,ஸ்பென்ஸர் மற்றும் எலிசன் ஆகிய ஐந்து கல்லூரி நண்பிகளும் ஆழந்த உறக்கத்தில் இருக்கின்றனர்.திடீரென துயில் கலையும் எலிசன் குடிலிக்கு வெளியே செல்கிறாள்.மணித்துளிகள் கரைகின்றன.கண்விழித்து பார்க்கும் ஏனைய நால்வரும் எலிசனை காணாததையடுத்து அவளை தேடி செல்கின்றனர்.ஆனால் அவர்களால் அவளை கண்டிபிடிக்க முடியவில்லை.அவள் திரும்பவும் வரவில்லை.

நாட்கள் சுழன்றோடுகின்றன.
ஆரியா ஐஸ்லாந்திலிருந்து மீண்டும் தனது சொந்த ஊருக்கு திரும்ப வருகிறாள்.ஐஸ்லாந்தில் அவளுடன் நண்பனாகிய அதே ஆடவன் இங்கே அவளது கல்லூரியில்  ஆங்கில ஆசிரியராக நியமிக்கப்பட்டிருப்பதை கண்டு ஆச்சரியம் அடைகிறாள்.அவ்வாசானுக்கும் அந்நிலைமையே.அதேநேரம் தனது அம்மாவை ஏமாற்றிய காரணத்திற்காக தந்தை மீது அதிருப்தியாக இருக்கிறாள் ஆரியா.

ஹன்னா நடுத்தர குடும்பத்தில் வாழ்ந்தாலும் அவளது அதீத ஆசைகளும் பழக்கவழக்கங்களும் அவளையும் அவளை சுற்றி உள்ளவர்களையும் பல சிக்கல்களில் மாட்டிவிடுகின்றன.

எமிலியின் பக்கத்துவீட்டிற்கு புதியதாக மாயா எனும் பெண் குடிவருகிறாள்.எமிலியும் அவளும் விரைவிலேயே நண்பிகளாகின்றனர்.

ஸ்பென்சர் எப்போதும் போலவே உறுதியற்ற முடிவுகளோடு வாழ்க்கையை கொண்டு செல்கிறாள்.

இவ்வாறான சமயத்தில்தான் அலிசனின் சடலம் கிடைக்கப்பெறுகின்றது.அதே நேரம் ஏனைய நால்வரது தொலைபேசிகளுக்கும் ஒரு குறுஞ்செய்தியும் வருகிறது."உங்களது இருண்ட ரகசியங்களை நான் ஒவ்வொன்றாக வெளிக்கொணர்வேன்-இப்படிக்கு A" என்பதை போலமைந்த அக்குறுஞ்செய்தியை கண்டு அவர்கள் திடுக்கிடுகின்றனர்.


தொடர்ந்து இந்நால்வரினது வாழ்க்கையிலும் நடந்த ஒவ்வொரு ரகசியங்களும் Aயினால் பொதுவில் திரைநீக்கப்படுகிறது.இவ் இக்கட்டான சூழலை அந்நால்வரும் எப்படி கையாளுக்கின்றனர்.A என்பது யார்?தமது உற்ற தோழியான அலிசனை கொன்றவர்களை/னை/ளை இவர்கள் கண்டுபிடித்தனரா?என்பதே 22 அத்தியாயங்களை கொண்ட இத்தொடரின் நீட்சியாகும்.

ஒவ்வொரு அத்தியாயத்திலும் புதிதுபுதிதாக அடுக்கடுக்காக கதாபாத்திரங்கள் அறிமுகப்படுத்தப்பட்டுக்கொண்டே செல்கின்றன.ஆனால் அவ்வனைவரையும் நம்மால் ஞாபகத்தில் வைத்துக்கொள்ள முடிவது அதிசயமே.22 எபிசோட்கள் என்பதால் சில சம்பவங்களை நீளமாக்கி காட்சிபடுத்தியுள்ளது போல் தோன்றினாலும் ஒவ்வொரு அத்தியாத்தின் இறுதியிலும் புதிதாக ஒரு முடிச்சை இட்டு அடுத்த அத்தியாயத்தை பார்ப்பதற்கான ஆவலை தூண்டுவதில் வெற்றிபெற்றுவிடுகின்றனர் தயாரிப்பு குழுவினர்.

சாரா ஷெப்பர்ட் எழுதிய இதே பெயரிலமைந்த நாவலை தழுவி எடுக்கப்பட்டுள்ள இத்தொடரை மேம்படுத்தியவர் ஐ.ம்.கிங்க்(Ina Marlene King) என்ற பெண்மணியாவார்.

இருபத்திரண்டு நாட்களுக்கேனும் அழுகைராணி தொடர்களை ஓரங்கட்டிவிட்டு இவ் அழகிய பொய்யர்களை பின்தொடரலாமே.

A:P:-இதன் 7வது சீசன் Z cafeல் ஒளிபரப்பப்பட்டுக்கொண்டிருக்கிறது.இதுவே இத்தொடரின் இறுதி பருவம் என தயாரிப்புகுழுவினர் அறிவித்துள்ளனர்.

Stranger Things-1


1980கள்,இண்டியானா பகுதியின் ஹாவ்கின்ஸ் நகரத்தில் ஓர் இரவு நேரம்.ஹாவ்கின்ஸிலுள்ள தேசிய ஆராய்ச்சிகூடத்தில் மர்மமான முறையில் ஒரு விஞ்ஞானி தாக்கப்படுகிறார்.அதேவேளை தன் நண்பர்களுடன் விளையாடிவிட்டு வீடு திரும்பும் வில் பயர்ஸ் வரும் வழியில் ஏதோ ஒன்றை கவனிக்கிறான்.அங்கிருந்து வேகமாக அகல முயலும் அவன் திடீரென காணமல்போகிறான்.

அடுத்தநாள்,ELEVEN என்ற பச்சை குத்தப்பட்ட,தலையில் கேசங்களற்ற ஒரு சிறுமி பசிக்காக சில திண்படங்களை திருடும் போது கடைக்காரரிடம் அகப்பட்டுகொள்கிறாள்.அவள் பசிக்கு உணவளித்த கடைக்காரர் பின்பு அவளைப்பற்றி சமூகநலன் நிலையத்திற்கு இதை தெரிவிக்கிறார்.
அவ்வுணவகத்திறக்கு வரும் இருவர் கடைக்காரரை கொன்றுவிட்டு அச்சிறுமியை தேடுகின்றனர்.ஆனால் அவள் அவர்கள் வருவதற்குமுன்பே தப்பியோடிவிடுகிறாள்.

வில் பயர்ஸ்ன் அம்மா கவலையுடன் வீட்டில் இருக்கிறாள்.அவளது வீட்டுதொலைபேசிக்கு ஒரு அழைப்பு வருகிறது.அதில் சுரத்தையற்ற தெளிவில்லாத ஒரு குரல் கேட்கிறது.தனது மகன்தான் தொலைபேசியில் தன்னை தொடர்புகொள்ள முயற்சிசெய்கிறான் என அவள் நினைக்கிறாள்.அதன்போது தொலைபேசி மின் ஒழுக்காகி வெடித்துபோகிறது.

வில்லின் நண்பர்களான மைக்,லூகாஸ் மற்றும் டஸ்டின் ஆகியோர் அவனை தேடி காட்டிற்குள் செல்கின்றனர்.ஆனால் அவர்கள் வில்லிற்கு பதிலாக வேறு ஒரு நபரை கண்டுகொள்கின்றனர்.அவள்தான் ELEVEN என்ற முத்திரை குத்தப்பட்ட சிறுமி.


மேல கூறியதுதான் Stranger Thingsன் முதல் அத்தியாயத்தின் சுருக்கமே.ஒரு விரிவான சிக்கலான கதை இப்படி எந்தவொரு பரபரப்பும் அலட்டலுமின்றி ஆரம்பிக்கிறது.

Stranger Things,Netflixல் சென்றவருடம் வெளியான ஒரு தொடராகும்.இது டஃவர் சகோதரர்களின் எழுத்து,இயக்கம் மற்றும் துணைதயாரிப்பில் வெளியான ஒரு இணைய-தொலைக்காட்சி தொடராகும். மினி சீரிஸ் என்பதால் 8 எபிசோடுகள் மாத்திரமே இதனில்.ஆகவே பார்ப்பதற்கும் அதிக நேரத்தை எடுத்துக்கொள்ளாது. ஒவ்வொரு அத்தியாயமும் கிட்டதட்ட 40-60 நிமிடங்களைக்கொண்டிருக்கும். பெரும்பாலும் அத்தனை அத்தியாயங்களுமே சலிப்பின்றிய நகருகின்றது.

இதன் கதைக்கரு யாதெனில்,ஹாவ்கின்ஸ் ஆராய்சிக்கூடம் அமெரிக்க சக்தி-வள திணைக்களத்திற்கு உதவியாக செய்ற்படுகிறது.எனினும் அவர்கள் அரசுக்கு அறிவிக்காமல் மறைமுகமாக பல ஆராய்சிகளை செய்கின்றனர்.இவர்கள் அசாதாரண சக்திகளை கொண்ட மனிதர்களை வைத்து ஆராய்ச்சிகளை நடத்தும் அதேவேளை வேறு ஒரு ஆராய்சியின் போது Upside-Down எனப்படும் தலைகீழ் பரிமாணத்திற்கான வாயிலை திறந்துவிடுகின்றனர்.நமது பூமிக்கு ஒப்பான ஆனால் பலவகைகளில் மாறுபட்ட ஒரு பரிமாணம்தான் Upside-Down.இவ்வாயிலின் மூலமாக அப்பரிமாணத்திற்கு சொந்தமான சில ஜந்துக்கள் வெளியேறுகின்றன.இவை மனிதர்களை கடத்தி தமது பரிமாணத்திற்குள் கொண்டுசேர்கின்றன.

இதேவேளை அக்கூடத்தில் இருந்து தப்பித்த ELEVEN எனப்படும் EL என்ற சிறுமி வில் பயர்ஸின் நண்பர்களுடன் சேர்ந்துகொள்கிறாள்.இவர்கள் ஒன்றுசேர்ந்து வில் பயர்ஸை கண்டுபிடித்தார்களா,வெளியேறிய ஜந்துக்கள் என்னவாகின,EL என்பவள் யார் அவளது சக்திகள் என்ன என்பதை தொடரை பார்க்க விரும்புவர்கள் பார்த்து தெரிந்து கொள்ளுங்கள்.

Netflixசானது தனது புதிய வாடிக்கையாளர்களுக்கு ஒரு மாத இலவசசேவையை அறிவித்துள்ளது.அச்சேவையை ஒரு மாத காலம் நுகர்ந்த பின்னர் நீங்கள் விரும்பினால் தொடர்ந்து பணம் செலுத்தி Netflixஐ உபயோகிக்கலாம்.இல்லையேல் குறிப்பிட்ட ஒரு மாதத்திற்குள் Unsubscribe செய்து கொள்ளலாம்(இதன்போது கட்டணம் எதுவும் அறவிடப்படமாட்டாது).சட்டரீதியான முறையில் தொடர்கள் மற்றும் படங்களை நுகர விரும்புவர்கள் இச்சலுகையை பயன்படுத்தி பார்க்கலாம்.

Juetice League(2017-Review)




Justice League,நான் அதிகம் எதிர்பார்த்த படம்.DC Comics,DC animated Movies,DC Tv series&Animated series என DCயிலேயே மூழ்கி போன எனக்கு Justice League என்றவுடன் ஆர்வம் தாங்கவில்லை.படத்தையும் பார்த்தாகிவிட்டது.

ஒரு வில்லன்,அவனை தனித்து நின்று ஒரு ஹீரோவால் வீழ்த்த முடியாது,ஆகவே பல சூப்பர் ஹீரோக்கள் சேர்ந்து அவனை வீழ்த்துகின்றனர்.DCயின் Justice League தொடங்கி நேற்று வந்த Marvel  Defenders வரை இதுதான் சூப்பர் ஹீரோக்கள் கும்பலாக  தோன்றும் படங்கள் மற்றும் தொடர்களின் மூலக்கதை.கதை இதுதான்,அதை எவ்வாறான திரைக்கதையாக எடுக்கப்போகிறோம் என்பதுதான் முக்கியம்.Avengerரா அல்லது Fantastic Fourரா என்பது திரைக்கதையில்தான் உள்ளது.அருமையான கதைகள் பல DCயிடம்தான் உண்டு.Marvelலின் கதைக்கருக்களுக்கு விதை போட்டதே DCதான்.DCயில் கதைகள் பல கொட்டிகிடக்கும்போது அதில் நல்லதொரு கதையைகூட தேர்வு செய்ய முடியவில்லை எனும்போது வருத்தமாக இருக்கிறது.

படத்தில் கதாபாத்திரங்களின் தேர்வு அருமை,அக்வாமேன் முதல் சைபோர்க்,தலைவி வொண்டர் வுமன்,Batfleck😉(Ben Affleck)வரை எல்லோருமே அருமை.நன்றாக நடிக்கவும் செய்கிறார்கள்,ஆனால் அவர்களுக்கான சரியான தீனி படத்தில் இல்லை.அதனால் எந்த கதாபாத்திரத்துடனும் ஒன்ற முடியவில்லை.முக்கியமாக வில்லன்.வில்லன்தான் சூப்பர் ஹீரோ படங்களின் உயிர்நாடி.
படத்தில் வில்லனை பற்றியதொரு பின் ஒளி(Flashbackக்கு தமிழ் அதானே😆) வரும்.அதில் கூட வில்லன் தப்பியோடுவது போல்தான் காட்டப்பட்டிருக்கும்.அதோடு Stepphenwolfன் CGI மகாமட்டம்.பெரியதிரையில் பார்க்கும் போது ஒரு மாதிரியாக இருந்தது.கதாபாத்திர பிண்ணனியில் வலுவில்லை.மேலும் stepphen wolfவை சூப்பர்மேனால் தனியாக வீழ்த்தி விட முடியும் எனும் போது இத்தனை ஹீரோக்கள் எதற்கு என்று தெரியவில்லை.படத்தின் உயிர்நாடி அங்கேயே அறுபட்டுவிட்டது.

இதில் Flashவரும் குறிப்பிட்டதொரு சீன்,X-Men apocalypseல் வருவது போல் அப்படியே நகலெடுக்கப்பட்டிருந்தது வேறு கடுப்பை கிளப்பியது.origin கதைகளை கொண்ட DC இப்படி தடுமாறுவது எதனாலோ...

இசை,அருமையான இசைக்கோப்புக்கள் பல படத்தில் உள்ளன.ஆனால் அவை படம் முடிந்த பின் டைட்டில் கார்ட்டில் மட்டுமே பயன்படுத்தபட்டுள்ளது.

வலுவில்லாத திரைக்கதை,டெப்த் இல்லாத கதாபாத்திரங்கள்,ஆங்காங்கே முகம் சுளிக்க வைக்கும் கிராபிக்ஸ் என பல மைனஸ்கள் படத்தில்.இதையும் தாண்டி ரசிக்கவும் சில மொமண்டுகள் உண்டு.எனினும் அவை சிறிது நேரம்தான் தாங்கி பிடிக்கிறது.

பொதுவாக ஒரு திரைப்படத்தை பார்த்து முடிக்கும் போது அது உங்கள் மனதில்  நேரான எண்ணங்களை உருவாக்க வேண்டும்,மாறாக மன அழுத்தத்தை கூட்டி விடலாகாது.Justice League பார்க்கும்போது மன அழுத்தமே அதிகரிக்கிறது.அத்தோடு BvS போன்று அழுத்தமாகவும் இல்லாமல் மிகவும் லைட் வெயிட்டான ஒரு கன்டண்டோடு படத்தை இறக்கியுள்ளார்கள்.
சாக் ஸ்னைடர்,ஜோஸ் வீடன் என மணிமணியாக இரண்டு இயக்குனர்கள் இருந்தும் திரைக்கதையை காப்பாற்ற முடியவில்லை.

படத்தில் ஸ்பெஷலான மொமண்ட்களும் இல்லாமல் இல்லை.டயானா கூறும் கதையில் வரும் போர் காட்சி,அது எடுக்கப்பட்ட விதம் அதன் CG என்பன வேறு லெவலில் உள்ளன.படத்தின் தொடக்கத்தில் வரும் பேட்மேனின் சண்டைகாட்சிகள்,எள்ளி நகையாடும் ஹியுமர் என அங்காங்கே சில நல்ல தருணங்கள் உண்டு.எனினும் ஒட்டுமொத்தமாக பார்க்கும்போது DCEU இன்னும் தடுமாறியேபடியேதான் உள்ளது.

A.P:-படத்தில் இரண்டு போஸ் க்ரெடிட் சீன்கள் உள்ளன.ஒன்று ஜாலியானது.மற்றையது பேட்மேனின் சோலோ மூவிக்கானதொரு லீடை கொடுக்கிறது.

கதைக்குள் கதை என்பதுபோல,இந்த படத்தில் இன்னொரு கதையும் தனியாக உள்ளது.ஒரு சாதரண குடும்பம் ஏலியன் படையெடுப்பின்போது எவ்வாறு ரியாக்ட் செய்யும் என்பது ஒரு பக்கம் தனியாக படமாக்கப்பட்டுள்ளது.எனக்கு அந்த Side Track பிடித்திருந்தது. 

காலம் என் காதலியோ

Image credits:magicsart.deviantart.com

நான் ஒரு பிடிவாதக்காரன்,ஆர்வக்கோளாறு,அதிகப்பிரசங்கி அத்தோடு ஒரு விஞ்ஞானியும் கூட.அதனால் தானோ என்னவோ 5ம் வகுப்பு கணக்கு பரீட்சையில் கேள்விகளுக்கு விடை எழுதியபின் எக்ஸ்ட்ரா ஷீட் கேட்டு இராசயனவியல் சூத்திரங்களையும்,இயற்பியல் விதிகளையும் எழுதிவிட்டு வந்தேன்.உண்மையிலேயே அது ரொம்ப போரிங்கான எக்ஸாம்.பதிமூன்றாம் வாய்ப்பாடெல்லாம் கேட்கப்பட்டு சிறுபிள்ளைதனமாக இருந்தது.வகுப்புகளிலும் நான் கொஞ்சம் ஓவர் டோஸாக கதைப்பதாலும் எல்லா எக்ஸாமிலும் சென்டம்தாண்டுவதாலும் கல்விமுறையிலுள்ள டபுள்,த்ரிபிள் ப்ரோமோஷன் எல்லாம் கொடுத்து என்னைவிட மூன்று வயது மூத்த என் அண்ணனின் வகுப்பில் சேர்த்துவிட்டார்கள்,அண்ணனை விட அதிக மார்க்ஸ் எடுப்பது அவனுக்கு கௌரவ குரைச்சலாகி போகவே வேறு பாடசாலைக்கு மாற்றிவிட்டார்கள்.அப்படியே ஓடி ஓடி ஒரு வழியாக காலேஜுக்கும் வந்துவிட்டேன்,அவனும் என்னுடனேயே வந்துவிட்டான்.இப்போது நாமிருவருமே பைனல் இயரில் இருக்கிறோம். நான்
கொஞ்சம் அதிக பிரசங்கி என்பதால் யாருக்குமே என்னை அவ்வளவாக பிடிப்பதில்லை.அதுவே எனக்கும் பிடித்திருந்தது.புத்தகம்,ஆய்வு,பிதற்றல் என திரியும் என்னை மனோஜ்தான் ஒரு நாள் சினிமா பார்க்க அழைத்து சென்றான்.மனோஜ் யாரென கேட்காதீர்கள்.அவன் எல்லாதெருவிலும் உள்ள ஒரு பக்கத்து வீட்டு பையன், அவ்வளவே!

சினிமா,எனக்கு சினிமா என்றால் அவ்வளவாக பிடிப்பதில்லை.அவை சோகத்தை சுகமாக்கும் சுகத்தை சோகமாக்கும்.ஒரு நாள் நல்ல மூடில் வீட்டில் இருந்த போது புன்னகை மன்னன் என்னும் படத்தை போட்டார்கள்.சந்தோஷமாக இருந்த நான் இறுதியில் கண்ணீர் வடிக்கும் படியாயிற்று.ஏன் என்று தெரியவில்லை அன்றிலிருந்து நான் சினிமா பார்ப்பதில்லை.உலகமெனும் நாடக மேடைக்குள் இன்னொரு மேடை அதிலொரு நாடகம் என்பதுபோல்தான் எனக்கு சினிமா.

சரி நான் விட்ட இடத்திற்கு வருகிறேன். அந்த படத்தின் பெயர்,7ஜி ரெயின்போ காலனி.இந்த படத்தை பார்த்துவிட்டு ஊரெல்லாம் நான் அனிதாவை தேடிக்கொண்டிருந்தேன்.எனக்கு தெரிந்த எல்லா அனிதாக்களுக்கும் கல்யாணம் முடித்திருந்தார்கள் அல்லது கமிட்டாகி இருந்தார்கள்,இதில் விதிவிலக்காக சிலர் வயதில் மூத்தவர்களாக இருந்தனர்.ஒரு நாள் டியுஷனில் அனிதா என்ற பெண்ணிடம் சில்மிஷம் செய்து என் அண்ணன் ஐந்து விரல்கள் பதிய அறை வாங்கியிருந்தான்.அனிதா என்ற கதாபாத்திரம் கொஞ்ச காலமாகவே என்னை கிறுக்கனாக்கி விட்டிருந்தது.சில நாட்களின் பின்னர் போதை தெளிந்து மீண்டும் காலத்தைப்பற்றிய ஆராய்ச்சிக்குள் மூழ்கியிருந்தேன்.காலப்பிரயாணம்தான் என் முதல்காதலி.அவளை அடைந்த பின்புதான் அனிதா.

அப்போதுதான் ஒரு நாள் "அனிதா" என்ற பெயர் கொண்ட தேவதை ஜுனியராக எங்கள் கல்லூரியில் வந்துசேர்ந்தாள்.இறுதியாக என் அனிதாவை இப்படித்தான் நான் கண்டுபிடித்தேன்.நம் பிரபஞ்சத்திலேயே மிக வேகமானது மனதுதான்.சூரிய ஒளி பூமிக்கு வர 8 செக்கன்கள் ஆகும்.ஆனால் மனது மைக்ரோ செக்கன்களில் சூரியனின் பிம்பத்தை நமது மனதுக்குள் கொண்டுவந்துவிடும்.என் இரண்டாவது காதலை அன்று சந்தித்தேன்,வெள்ளைச் சுடிதார் அணிந்த அந்த தேவதையிடம் என் மனது மைக்ரோ செக்கன்களில் தொலைந்து போனது.

யுனிவர்சிடியில் சையன்ஸ் லேப் மட்டும்தான் எனக்கு பரிச்சயம்.அனிதாவால் 1st இயர் வகுப்பு பக்கமும் செல்ல வேண்டியதாயிற்று.இப்போது எனக்கு தலையாய வேலைகள் இரண்டே இரண்டுதான்.காலம் பற்றிய உண்மைகளை கண்டறிவது.அனிதாவுக்கு என்மேல் காதல் வரவைப்பது.முதலில் பரீட்சார்த்த முயற்சிகளை மேற்கொண்டு பார்த்தேன்.இரண்டிலுமே தோல்விதான்.காலப்பிரயாணம்,என் முதல் காதலி.பல வருடங்களாக அவளுக்கு பின்னால் பைத்தியம் போல் திரிகிறேன்.உள்ளுக்குள் இருப்பதை அவள் வெளிப்படையாக என்றுமே சொன்னதில்லை.அவளிடம் உள்ள இரகசியங்களை அறியதான் இந்த பரிசோதனை எல்லாமே.அவள் என்னைக் கண்டுகொள்வதாயில்லை.என் இரண்டாம் காதலி அதற்குமேல்.

"ஏன்? இப்படியெல்லாம்" என்று நேரடியாகவே கேட்டுவிட்டேன் ஒருநாள்.அனிதாவிடம் அல்ல மனோஜிடம்.நான் காட்டான் போல இருப்பதாகவும் அது  பெண்களுக்கு பிடிப்பதில்லையென்றும் மனோஜ் கூறினான்.பின்னர் ஒரு நல்ல நாளில் தண்ணீர் தெளித்து சிகையலங்காரம் எல்லாம் செய்து டிரெண்டி டிரஸ்,கூலர்ஸ் சகிதம் கொஞ்ச நாள் அவள் முன் புன்னகை மன்னனாக உலாவந்தேன்.லேசாக அவள் பார்வை என்மேல்பட்டது.ஒரு நாள் கேண்டீனில் காபி சாப்பிட்டுகொண்டிருந்தேன்.என்னைப் பார்த்து சிரித்தாள்.பதிலுக்கு நானும் புன்னகைத்தேன்.புன்னகை மன்னன் ஆகி விட்டால் இதையெல்லாம் செய்துதானே ஆக வேண்டும்.

பிரிதொரு மழை நாளில் நான் கையில் குடையுமில்லாமல் இலக்குமில்லாமல் போய் கொண்டிருந்தேன்.அனிதா என்னை பார்த்தாள்."குடைக்குள்ளே வா" என்றாள் சைகையில்.குடைக்குள்ளே இணைந்தோம்.

"ஹாய் அனிதா.என் பேரு..."

"தெரியும்,தெரியும் பேரு,ஊரு,ரெக்கார்ட்ஸு எல்லாம் தெரியும்"

"எப்படி"

"என் பேர் உங்களுக்கு எப்படி தெரியுமோ அதே மாதிரிதான் எனக்கும்"

"ஆமா,இப்பெல்லாம் அடிக்கடி கண்ணுல படுறீங்க"

"யா...சீ நீ என்ன சுத்தி சுத்தி வாரனு நல்லாவே தெரியுது.இப்பவே சொல்லிடுறேன் எனக்கு இந்த காலேஜ்குள்ள வந்த கொஞ்ச நாள்ளயே கமிட் ஆகிருச்சு.அந்த பையன் வேற யாருமில்ல,'சிவா',உங்கண்ணாதான்.
அவருக்கு உன்ன அடிக்க மனசில்லனு பக்குவமா எடுத்து சொல்ல சொன்னாரு.சொல்லிட்டேன் இனிமே உன் பாடு"

அவ்வளவுதான்.அவ்வளவேதான் அவள் சொன்னாள்.அவளுக்கும் எனக்குமான முதல் சம்பாஷனை இப்படியாகத்தான் இருந்தது.
என் காதல் ப்ரோபஸ் பண்ணாமலேய ஃபெய்லியராகி போனது.அவள் குடையோடு முன்னேறி சென்றுவிட்டாள்.

நான் தண்ணீருக்குள் போடப்பட்ட சோடியம் போல மழையில் நனைந்தும் வெடித்துக்கொண்டிருந்தேன்.என் காதல் கதை இங்கேயே முடிவடைந்திருக்க வேண்டும்.ஆனால் வேறு டைம்லைனுக்கு அன்றிரவே மாற்றப்பட்டுவிட்டது.இனிதான் கதையே தொடங்கபோகிறது.கொஞ்சம் பொறுமையாக கேளுங்கள்.
முதலிலேயே சொல்லிவிட்டேன்.நான் ஒரு பிடிவாதக்காரன்,ஆர்வக்கோளாறு இதற்கும் மேலாக நானொரு விஞ்ஞானி.நீ என்ன என்னெல்லாம் கண்டுபிடித்தாய் என்று நீங்கள் கேட்கலாம்.வீட்டில் அப்பா,அம்மா,அண்ணாவின் துணிகளையெல்லாம் மடித்து வைப்பதற்கென்று ஆளுக்கொரு மிஷின் செய்து கொடுத்திருப்பதையெல்லாம் என் கண்டுபிடிப்பு வரிசையில் சேர்த்துவிடாதீர்கள்.இன்று மாலைதான் அந்த மாயஜாலம் அல்லது விஞ்ஞானஜாலம் அல்லது என் கண்டுபிடிப்பு நடக்கப்போகிறது என எனக்கு அப்போது தெரியவில்லை.

மிகுந்த வெறுப்போடு நான் மீண்டும் லேப் பக்கம் சென்று உட்கார்ந்திருந்தேன்.கோபம் தலைக்கேற என் காலத்தை பற்றிய ஆராய்சிகளையும் காலப்பிரயாணம் சாத்தியமா என்பதை கண்டறிய நான் செய்து வைத்திருந்த மெஷினையும் கீழேபோட்டு உடைத்தேன்.அந்த இயந்திரம் 'தடார்' என்ற சத்தத்தோடு கீழே விழுந்த ஒரு ஒளி வெள்ளத்தை பாய்ச்சியது.லேபில் இருந்த ஏனைய மாணவர்கள் கத்தும் ஓசைக்கேட்டது.

மிகுந்த வெறுப்போடு நான் லேப்பக்கம் சென்று உட்கார்ந்திருந்தேன்.கோபம் தலைக்கேறியிருந்தது.

ஒரு கணம் இருங்கள்.

உடைந்த போன என் உடமைகள் எல்லாம் அதே இடத்தில் இருக்கின்றன.லேபில் ஏனையவர்கள் தம்தம் ஆராய்ச்சிகளை எவ்வித இடையூறுமின்றி செய்துக்கொண்டிருந்தார்கள்.பொறி தட்டுப்பட்டது.கால இயந்திரத்தை எடுத்துக்கொண்டு நைசாக அவ்விடத்தை விட்டு நழுவினேன்.என் கால இயந்திரம் ஒரு மோதிரம் போல இருக்கும்.என் முதல் காதலிக்கு நான் செய்த மோதிரமது.ஆக கால மோதிரத்தை  இயக்க தேவையானதெல்லாம் ஒரு குயிக் ஸ்டார்ட்,அழுத்தமான விசைதான்.வீட்டில் லேபில் வைத்து அதை திருகிய புண்ணியத்தில் குயிக் ஸ்டார்ட் செய்யும் ஒரு விசையூக்கியையும் இணைத்தேன்.அதில் ஒவ்வொரு திருகலுக்கும் ஏற்ப ஒவ்வொரு நாள் பின்னோக்கி செல்லும்படியாக பொறிமுறை ஒன்றை அமைத்தேன்.இதுதான் என் கான்செப்ட்.திருகாணியை அரைப்பங்கு திருகினேன்.

காலேஜ்.அடைமழை.தூரத்தில் அனிதா வந்து கொண்டிருந்தாள்.நான் அங்கிருந்து நகர்ந்து விட்டேன்.

ஆக என் அண்ணன்தான் இந்த முறையும் எனக்கெதிரி.உண்மையிலேயே என் அண்ணன் நல்லவன் கிடையாது.டியூசன் க்ளாஸ்களில் பல பெண்களிடம் திட்டு,அறை எல்லாம் வாங்கியிருக்கிறான்.பெண்களை கேவலமாக விமர்சிப்பவன்.இந்த அயோக்கியனுக்கு என் அனிதா கேட்கிறதா.இல்லை இதை தடுத்தாக வேண்டும்.

காலங்களை மாற்றினேன்.அனிதா இப்போது காலேஜ்ஜுக்கு முதன்முதலாக வருகிறாள்.அதே வெள்ளை சுடிதார்.மாறாக, என் ஆடைகளும் தோற்றமும் மாறவில்லை அப்படியேதான் இருந்தது.அவளைப் பார்த்தேன்.அடிக்கடி மனோஜின் தோளின்மேல் கைபோட்டுக்கொண்டு அவளை சைட்டித்தேன்.

ஒரு நாள் அவள் வகுப்பு முடிந்து வெளியே வந்தாள்.

"ஹாய் அனிதா.நான்..."

"தெரியும்,தெரியும் உங்க பேரு,ஊரு,ரெக்கார்ட்ஸு எல்லாம்"

"எப்படி"

"என் பேர் உங்களுக்கு எப்படி தெரியுமோ அதே மாதிரிதான் எனக்கும்"
எனக்கு பகீர் என்றது.அதற்குள்ளாகவா என் அண்ணன் கரெக்ட் செய்துவிட்டான்.

"நீங்க கமிடட்டா?" உடனடியாக கேட்டுவிட்டேன்

"ச்சீசீ,இன்னும் யார்கிட்டயும் சிக்கல.சிவா,அதான் உங்க அண்ணா அடிக்கடி என்னப் பார்த்து நெளியுறான்.உங்கள மாதிரியே அவரும் நல்லதான் இருக்காரு.பார்ப்போம் என்றாள்".

அடேய்,படுபாவி அவள் காலேஜுக்கு வந்தே 10 நாட்கள் தானேடா ஆகிறது.அதற்குள் அவள் மனதில் எப்படி ஒரு இடம் பிடித்தாய்.உனக்கு அனிருத்தின் புல்டோசர் இசையை 2000 ஹேர்ட்ஸுக்கு கூட்டி வைத்து காதுக்குள்  திணிக்க வேணுமடா.சண்டாளா

"அனிதா,சொல்றேனு தப்பா எடுத்துக்காதீங்க.எங்க அண்ணன்தான்,ஆனா அவ்வளவுக்கு ஒண்ணும் நல்லமில்ல.நான் பொய்க்கு சொல்லல சீனியர் கேர்ள்ஸ் கிட்ட கேட்டு பாருங்க என்றேன்".

அவள் "அப்படியா தப்பா ஒண்ணும் நினைக்க மாட்டேன்,நீங்களே சொல்லுங்க" என்றாள்.

என் அண்ணனை முடிந்தமட்டும் கழுவியூற்றினேன்.நீண்ட நாட்களின் பின் திருப்தியாக இருந்தது.

அவள் என்னை நேராகப் பார்த்தாள்.ஏதோ முடிவெடுத்தவளாக "சொந்த அண்ணண பத்தியே இப்படி தப்பா சொல்றீங்களே,அது உண்மையோ பொய்யோ அத சொல்ல கெம்பஸ்குள்ள ஆயிரம் பேர் இருக்காங்க.நான் நினைக்கிறேன் உங்களுக்கு என்மேல ஒரு எவக்ஷன்.நானும் பார்த்தேன் உங்க இளிப்பையெல்லாம்....."

இதற்கு மேல் வேண்டாம் மக்கழே.....பாத்திரம் கைமாறியது அவள் என்னை கழுவினாள்.முட்டாள் பெண்ணே....என் மரியாதைக்குரிய முட்டாள் பெண்ணே அவன் உண்மையிலேயே ஒரு அயோக்கியனடி.அவனை நம்பி நீ வாழ்க்கையை தொலைக்க கூடாது என்றுதான் நான் உனக்கு இதையெல்லாம் சொல்லிக்கொண்டிருக்கிறேனடி.

அவ்வளவுதான்.அவ்வளவேதான் அவள் சொன்னாள்.அவளுக்கும் எனக்குமான முதல் சம்பாஷனை இப்படியாகத்தான் இருந்தது.
என் காதல் ப்ரோபஸ் பண்ணாமலேய ஃபெய்லியராகி போனது.சொல்லிவிட்டு அவள்  முன்னேறி சென்றுவிட்டாள்.

ச்சே இப்படியாகிவிட்டதே.மீண்டும் மோதிரத்தின் திருகை கிளிக்கினேன்.பத்து நாட்களுக்கு முன்னர் வந்தடைந்தேன்.இந்த முறை ஐடியாவை மாற்றினேன்.அண்ணன் குடிக்கும் காபியில் லேசாக பென்டர்மைனை கலந்து விட்டேன்.பத்து நாட்களுக்கு சாப்பிட்டதெதுவும் செமிக்காமல் ஓட்டை சட்டியாக வீட்டிலேயே கிடக்கட்டும்.

சந்தோஷமாக காலேஜீக்கு சென்றேன்.அனிதா அதே வெள்ளை ஆடை.


பார்த்தேன்.தொடர்ந்தேன்.மனோஜின் தோள்களை குத்துகைக்கு எடுத்துக்கொண்டேன்.

"என்னடா திடீர்னு ஆளே மாறிட்ட" என்றான்.
நான் புன்னகையை பதிலாக அளித்தேன்.அன்றும் அனிதா வகுப்பு முடிந்து வெளியே வந்து கொண்டிருந்தாள்.

"ஹாய் அனிதா.நான்..."

"தெரியும்,பேரு,ஊரு,ரெக்கார்ட்ஸு எல்லாம்"

"எப்படி"

"என் பேர் உங்களுக்கு எப்படி தெரியுமோ அதே மாதிரிதான் எனக்கும்"

"ஆமா,இப்பெல்லாம் அடிக்கடி கண்ணுல படூறீங்க"

"யா...சீ உங்ககிட்ட ஒண்ணு சொல்லணும்,நான் மற்ற கேர்ள்ஸ் மாதிரி இல்ல.மைண்ட்ல தோணுணத நேராவே சொல்லிடுறேன்.ஐ லவ்யூ" எனச் சொல்லிவிட்டு அவள் பாட்டுக்கும் முன்னோக்கி சென்றுவிட்டாள்

அவ்வுளவுதான்,அவ்வளவேதான் அவள் சொன்னாள்.அனிதாவுடனான என் முதல் சம்பாஷனை இப்படியாகத்தானிருந்தது.லவ்வை ப்ரபோஸ் பண்ணாமலேயே சக்சஸ் செய்துவிட்டேன்.என்னடா இது காலம் மாறுனா வாழ்க்கை இவ்வளவு சிம்பிளா மாறுமா என நினைத்தேன்.

குதூகலமாக இருந்தது.அப்படியே "வான் மேகம் பூப்பூவாய் தூவும்" எனப் பாடிக்கொண்டே வீட்டிற்கு வந்தேன்.அண்ணன் டாய்லெட்டுக்கு அருகிலேயே பாய்போட்டு படுத்திருந்தான்.நன்றாக இளைத்துவிட்டான்.நான் பத்துநாட்களுக்குதான் டோஸ் கலந்தேன்.சில மில்லிகிராம்கள் அதிகரித்ததனாலோ என்னவோ 40 நாட்களாக தொடர்ந்து வயிற்றுவலி அவனை படாய்படுத்தியிருக்கிறது.

டாக்டர் ஏதோ "ஃவுட் பாய்சன் ஆகிருச்சு" என்றதாக அம்மா சொன்னார்.கூடவே ஒரு செய்தியையும் சொன்னார்.
"உங்க அண்ணாக்கு வரவர பழக்கமே சரியில்லடா.கண்டதையும் குடிச்சிட்டு இப்பபாரு வயிறு செமிக்கலனு படுத்து கிடக்குறான்.அதான் அவனுக்கு ஒரு கால்கட்ட போட்டுறலாம்னு இருக்கோம்.பொண்ணு தூரத்து சொந்தம்தான்,பேரு அனிதா.உன் காலேஜ்லதான் படிக்குறாடா.அதோ ஹால்ல இருக்குற ஷெல்வுக்குள்ள இருக்குற கவர்குள்ள அவ படம் இருக்கு,உங்கண்ணி எப்படியிருக்கானு பார்த்து சொல்லுடா" என்றாள்.

எனக்கு வெறுப்பாக வந்தது.மறுபடியும் மோதிரத்தை திருக வேண்டுமா என்ற வெறுப்புடன் அந்த கவரை தேடி எடுத்தேன்.அதை திறந்து பார்த்தேன்.சில வருடங்களுக்கு முன் என் அண்ணன் சில்மிஷம் பண்ணியதற்காக அவனை அறைந்த அனிதா மேரி அதில் சிரித்து கொண்டிருந்தாள்.எங்கள் பெட்ச்மேட்தான் அவளும்.நான் அந்த புகைப்படத்தைப் பார்த்ததும் என் முதலாம் காதலிக்கு நன்றி கூறும் விதமாக மோதிரத்தை முத்தமிட்டேன்.